sommar og sol…

No sete eg i Puerto Rico på Gran Canaria og kosar meg gløgg i hel… her har vore ca 27 grader i dag, so fryse gjere eg ikkje. Flott hotell med fine rom og stor, god frukost – ca 10 min frå sand og bølgjer…

… Ein kontrast til bilturen frå indre sogn til Bergen i går!! Mamma og Signhild køyrde kombien frå Jostedalen og plukka meg opp i Sogndal, og me håpte at verste slapseføret og regnet då låg bak oss – men so feil kan ein ta!!! Eg presterte å få bilen på tvert på veg inn i Gudvangentunnelen – eit under at han retta seg oppatt og alt gjekk bra, og mamma hadde ein elegant manøver i lyskrysset på Voss – so då me oppdaga ein ambulanse som kom naermare og naermare oss bakfrå, utrykte Signhild at det kanskje var ein fordel å ikkje sleppe den ambulansen forbi med de fyrste!!

Veret skifta mellom kvar tunnel – frå slaps og striregn til tøya veg og blå himmel, til hagl og is og tilbake til slaps og regn, i tillegg til at vindkasta rista godt i bilen! Men alt det er gløymt no!  

For te Bergen kom me – og flyturen gjekk flott, trass i skrikande babyar både framme og bak =) Kvifor folk på død og liv skal drasse med seg nyfødte ongar på flyturar som varer i over 5,5 timar er meir enn eg kan forstå! Men det er gløymt det og… i alle fall fram til heimturen =)

Viva Espania